Við í hljómsveitinni spiluðum á grandrokk síðasta laugardag ásamt I Adapt og Innvortis, og var það svona ómannlega skemmtilegt. I Adapt voru svakalega sterkir, og Innvortis var tær snilld. Mér fannst líka svona helvíti gaman að spila þegar hljóðið var svona drullu vel blandað. :) Annars fyrir utan það er ég búin að vera að vinna eins og vitlaus síðustu þrjár vikur og hef gefið mér lítin tíma í annað en það. Ég fékk 9,5 fyrir lokaverkefnið mitt sem er mjög gott þar sem mér skillst að það sé ekki gefið 10 fyrir lokaverkefni, en fyrir utan góðu einkunnirnar mínar þessa önn, kom upp smá vandamál með einingarnar sem voru metnar að utan. Þær voru ekki búnar að fara í gegn um allt sitt pappírs ferli því að einhver konan hringdi í mig frekar furða yfir því að ég væri skráður í útskrift... argh. Nú ef það fer svo að ég fæ þetta bara ekki í gegn og ég þurfi að taka 10 einingar næstu önn, gerir það lítið til þar sem ég hefði hvort sem er tekið eitthvað fag þá önnina fyrir meistaranámið sem ég sótti um í. Jæja... ég þarf að fara að kjósa og borða.

tata

Jæja, ég er búin með fyrstu vikuna í nýju vinnunni minni og er búið að vera þetta helvíti gaman. Gleymi mér frekar yfir því sem ég er að gera sem er nú gott mál þar sem maður þarf nú að vera sem afkastamestur þegar meður er að forrita.
Ég fékk 10 í tölvugrafík, sem er nú bara helvíti gott finnst mér. Var búin með allar 6 spurningarnar í prófinu um 11:30, semsagt hálftíma fyrir próflok og man ekki eftir því að hafa klárað próf frá Hjálmtýr á styttri tíma. Annars er maður að fara í afmælisveislu í kvöld, þar sem Eve-Online er orðin þriggja ára gamall. Þar mun verða hellings matur og alls kyns skemmtilegheit.

Best að maður hafi sig til fyrir stuðið ;)

Ta ta

Jæja, nú er próftíðin hjá mér búin. Búin að taka þetta eina próf sem ég var skráður í og stóð mig bara nokkuð vel, en kennarinn á eftir að fara yfir þetta og hann gæti nú verið á öðru málið með það. Síðan er maður nú að reyna að jafna sig eftir pínu flensuskít sem lét sjá sig á mánudagskvöldið, en það er hins vegar ekki svo alvarlegt, bara pínu hiti og hor, en samt nóg til að gera mann drullu þreittann. Frá og með morgundeginum fær maður borgað við það að vinna í lokaverkefninu sínu og mörgu öðru sem tengist tölvugrafík, með því skilyrði að ég mæti á ákveðinn stað á ákveðnum tíma og skili að minnsta kosti 8 tímum á dag,.. það ætti nú að vera lítið mál. Svona til að halda upp á lokin á grunnáminu í tölvunarfræðinni mun ég mæta á próflokadjamm nemandafélagsins nörd þann 15. Maí. Þar verður Lottó með fullt af sniðugum vinningum og svo er verið að spá í að halda forritunarkeppni í esoteric forritunarmálum eins og Brainfuck og Ook!. En hinsvegar eru nú til skrítnari forritunarmál en þetta, t.d. shakespear, whitespace og chef. Ekkert af þessu er þó nothæft af neinu viti, en virkar samt sem helvíti gott grín fyrir hvern sem forritar eitthvað af viti.

Komið nóg í bili..

Ég þarf að fara í eitt próf næsta miðvikudag, þá eru öll prófin fyrir B.Sc gráðuna búin. En ég gerði það hins vegar í síðustu viku að skrá mig í M.Sc í tölvunarfræði við háskólann, þannig að námið hjá mér er engan vegin búið, en það verður hins vegar keyrt aðeins rólegra því að ég verð í fullri vinnu með námi.
Ég byrja að vinna næsta fimmtudag og mig hlakkar þvílíkt mikið til. Fá loksins að forrita í vinnutímanum mínu, það er bara glæsilegt. Það gæti verið erfitt að fara heim úr vinnunni eftir að vera sokkinn niður í eitthvað krefjandi og skemmtilegt verkefni, en ég held að ég ráði við það.

Ég verð mjög upptekin þessa vikuna, því að ég þarf að vera búin að fara yfir 450 bls fyrir prófið í tölvugrafík, búin að setja saman grófa skírslu fyrir lokaverkefnið mitt, sem er nú bara kominn í einhverjar 10 bls og bæta við nokkrum fítusum í lokaverkefnið sjálft til að gera það enþá flottara.

Hingað til er verkefnið mitt orðið eitthvað um 4,000 línur af python kóða. En það hefur nú stundum ekkert gengið allt of vel, því til að byrja með var ég nú farinn í riðga sem forritari, dottinn aðeins úr grúvinu. Ég komst nú ekkert strax almennilega í gang fyrr en mér tókst að leysa einn mest pirrandi bögginn, sem gerði það verkum að verkefnið mitt hrundi við mjög skrítinn tilfelli, eins og að bæta við breytum eða föllum sem voru ekki einu sinni notuð. Það eina að stærðin á skránni breyttist gerði forritið óstöðugt. Þetta gerði mig ekki vongóðan um að þetta verkefni ætti eftir að líta vel út, en það sem betur fer breyttist þegar ég loksins fann þessa lúmsku pöddu.

Python og wxPython er algjört gull. Það getur verið mjög einfallt að setja saman gluggaforrit með python, en það getur líka verið mjög auðvelt að gera það illa. Mikið af tímanum sem fór í þetta verkefni hefur verið í að endurskrifa og lagfæra fljótfærnisvillur sem maður gerði meðan maður var að læra á þessi tól til að byrja með. Ég ráðlegg hverjum sem er, sem hefur einhvern áhuga á forritun og er að púsla saman einhverju gluggaumhverfi að gefa Python og wxPython tækifæri.

__tata__

Þetta er fyrsta blogfærslan mín, og er ekki betra að byrja hana á einhverskonar kvörtun...
Ég fékk ritgerð með fréttablaðinu mínu í morgun. Hún var svona hljóðandi:

"Blaðberar & Póstberar skilja sjaldnast íslensku. Svo máttu hafa skilaboðin ofar svo að fólkið þurfi ekki að leggjast á hnéin til þess að lesa.

Íslenski afleysingablaðb.


P.S. ég vil að það sé komið fram við þetta fólk sem þjónar okkur af virðingu.

NO Fréttablað/Blað eða strika yfir nöfnin."

Ég verð að segja að mér brá nú bara töluvert... þar sem ég hélt að miðinn minn væri bara á góðum stað beint fyrir ofan lúguna. Þar ætti nú blaðberinn að geta séð hann þar sem hann þarf hvort eð er að leggjast á hnéin til að troða öllum þeim ruslpósti sem hann pokar á sér í gegn um lúguna mína. Miðinn minn sem kallaði fram þessi rosalegu viðbrögð lítur þannig út:
"
ENGAN RUSLPÓST!!
Takk Fyrir.
Ruslpóstur = {Fréttablaðið, Blaðið, Auglýsingapésar}
"
Þetta fór greinilega fyrir brjóstið á blaðberanum mínum í dag. Kanski var það mengja segðin sem fyllti mælinn, eða bara íslenskan. Þarf ég að uppfæra miðan minn? Eða ætti ég að líma skilaboðin sem mér bárust á útihurðina með viðeigandi viðbót?

Það er alla vegna blaðberi þarna úti sem er við það að verða "postal" eins og nágranninn minn orðaði það. Ég verð greinilega að íhuga vel minn næsta leik... þetta gæti orðið stríð.

Takk fyrir BLAÐrIÐ.